Kultur-ekitaldiak ekainaren 1etik aurrera egitea proposatu du Urkulluk, eta horretarako adostu dituzten neurriak zeintzuk diren argitu du: pertsonen arteko gutxieneko tartea mantentzea eta garbitasun arauak betetzea. Bi neurri horiek betetzea ahalbidetzen duten jarduerak baimenduko dira, eta horien artean hurrengoak egon daitezke: kultura jaialdi eta kirol ikuskizun jendetsuak, ospakizunak, hondartza eta igerilekuetako jarduerak, udalekuak, liburutegiak, erlijio jarduerak, kaleko emanaldiak (antzerkia, musika eta zirkua) edota txosna eta taberna ez profesionalak, besteak beste.
Lehendakariak azaldu duenez, irizpideak jaso dituen dokumentua “etengabe” eguneratuko da, gaixotasunaren bilakaeraren arabera, eta behin irizpideak ezarrita, erakundeen ardura izango da horiek betearaztea.
