Arrasaten 67 dira jarritako salaketak; Bergaran, 55; Aretxabaletan, 22; Oñatin, hamasei; Elgetan, bederatzi; Leintz Gatzagan, lau; Eskoriatzan, hiru; Antzuolan, bat; eta Aramaion, bat bera ere ez.
Horrez gain, Ertzaintzak jakinarazi duenez, kirola egiteko jarritako neurriak ez errespetatzeagatik ez dute salaketa bakar bat ere ipini aste honetan. "Nahiko fin dabil jendea, orokorrean. Honen harira, gertaera oso nabaria ez bada, jendea ohartarazten eta neurriak gogorarazten ari gara, horretan datza gure gaur egungo zainketa lana", nabarmendu du.
