Abereen gaixotasunak
Eguzkik abereen gaixotasunen gaineko osasun programa trinkoari eusteko eskaera egin dio Aldundiari, ukuilu, mugimendu eta aire libreko ustialekuaren baimentzea eta kontrolatzearekin batera. Horrez gain, talde ekologista eta antinuklearrak, elikadura eta seguritateari eragiten dizkion hainbat protokolo berreskuratzea eta kontrol publikoaren mekanismoak areagotzearen beharra ere azaldu du.
Abeltzaintzaren egoera
Eguzkik dio Gipuzkoako abeltzaintza profesionala "gainbeheran" dagoela, aisialdiari lotutako abeltzain kopurua areagotu bada ere. Horregatik, Eguzkik abeltzaintza profesionalaren "egiazko sustapena" eskatu du eta lanbidea ingurumenaren gainean sortzen diren egungo erasorik gabekoa eta izaera agroekologikoko lehen sektorea izan behar duelakoan dago.
Mendi-larreen kudeaketa
Talde ekologistak gogora ekarri du, Gipuzkoako larre gehienak Udalen jabetzakoak badira ere, haien kudeaketa Aldundiari lotuta dagoela, 2006ko Mendietako Foru Arauari jarraituz. Hala, Gipuzkoako 22 mendi-larreen kudeaketan hainbat osagaien eragina gutxitzea edota ezabatzea eskatu du: naturgune babestu publiko hauetako lurzoruak, ura, larreak, basoak, hezeguneak, basafauna eta flora.