Foru Aldundiko bozeramaile den Eider Mendozak jakin arazi du Gipuzkoako adinekoen zentroetako bi lagunek, COVID-19 gaitzarekin gaixo zeudenak, medikuaren alta jaso dutela azken ordutan. Honen bestez, 274 lagunek gainditu dute gaixotasuna Gipuzkoako egoitzetan, Mendozaren esanetan. Horren kontrara, 163 hil dira; azkena, Arrasateko Iturbide egoitzan. 112ko jarraitzen dute positibo emandako diagnostikoarekin. Egun Gipuzkoako hamalau dira positiboak dituzten egoitzak. Mendozak gaineratu du 22 lagun Donostiako Gurutze Gorriaren zentro soziosanitarioan artatuak izaten ari direla eta 24 ospitaleratuta daudela.
Aldundiko bozeramaileak esan du gaur egin dituztela adineko pertsonen egoitza zentroei zuzendutako azken aholkularitza saioak, Aita Menniren laguntzarekin. "Saio hauen helburua izan da egoitzetako langileei behar duten laguntza ematea eta horretarako zalantzak argitzeaz gain, COVID-19ari begira hartu diren neurri eta protokoloetan sakontzea".
Egoitzen garbiketa eta desinfektazio lanekin jarraitzen dutela ere esan du Mendozak; atzo eta gaur egindakoen artean, Eskoriatzako Jose Arana eta Aretxabaletako GSR Debagoiena.
