Gipuzkoako zaharren egoitzetan 162 pertsona hil dira COVID-19aren eraginez eta 114 egoiliarrek jarraitzen dute diagnostiko positiboarekin, horietatik 24 Donostiako Gurutze Gorriaren zentroan daude ingresatuta eta beste 24 ospitalean.
Aita Menniren aholkularitza zerbitzua
Mendozaren esanetan, birusaren aurka egiteko elkarlana oso garrantzitsua izaten ari da eta horren adibide da, Aldundiak, Aita Mennirekin elkarlanean lurraldeko egoitza guztientzat antolatu dituen formakuntza saioak.
Bost saio antolatu dira guztira, eta gaur dagoeneko hiru egin dira; bihar beste biak egingo dituzte. Zerbitzu honen helburua da, COVID-19aren inguruko aspektu ezberdinen kudeaketaren inguruko aholkularitzan eta formakuntzan sakontzea. Horrekin batera, saioen asmoa da egoitzetako ekipo profesionalak laguntzea eta dituzten galdera eta zalantzak argitzea. Aholkularitza zerbitzu hau indibidualizatua eta presentziala izaten ari dira. Izan ere, Aita Mennik Gipuzkoako zaharren egoitzak bisitatu ditu eta COVID-19ari aurre egiteko prebentziorako zein berau eusteko beharrezkoa den laguntza eman die.
