Gaurko tenperatura maximoak 33 gradu ingurukoak izango dira Kantauri barnealdean, eta 12:00etatik 20:00etara abisu horia ezarri dute arrisku maila “oso altuarengatik”.
Bestetik, arratsaldeko 18:00etatik aurrera egingo dituen zaparrada trumoitsuak direla-eta ere abisu horia ezarriko da. EAEko zenbait tokitan, ordubetean 15 litro baino gehiago pilatu daitezke metro karratuko, eta txingorra ere bota dezakeela ohartarazi dute. Gainera, ekaitz-guneetan haize-bolada gogorrak izango direla ere jakinarazi dute; Euskalmeten arabera, baliteke 100 km/h-ko abiadura gainditzea ere.