Kalean kirola egiten, goizeko lehen ordutik

Herritarrek ez dute hutsik egin, eta konfinamenduaren baitan kirola egiteko baimena aprobetxatu dute askok. Korrika, paseoan edo bizikletan egin dituzten lehen kilometroak, arauak beteta eta distantziak mantenduz.

Gaur, maiatzak 2, da kirola kalean egin ahal izateko lehen eguna. Horren harira, Espainiako Gobernuak ordutegi bat zehaztu du, pilaketak gerta ez daitezen. Honako hauxe:

Kirol ez profesionala eta paseoak

  • Ordutegia: 06:00-10:00 eta 20:00-23:00.
  • Distantzia: Kirola bakarka eta udalerri barruan; paseoa gehienez 2 lagun (etxekoak)  eta kilometro baten bueltan eta herriz aldatu gabe. Pilaketa kasuan distantzia-neurriak bermatuz.
  • Nola: Paseoak etxeko kide batekin egin daitezke neurriak errespetatuz. Kilometro bateko ibilbidea, eta herri berean.

Menpekotasuna duten pertsonak

  • Ordutegia: 10:00-12:00 eta 19:00-20:00.
  • Nola: Zaintzaileak lagunduta.
  • 70 urtetik gorakoak: menpekotasuna duten pertsonen ordutegia bete beharko dute.

14 urtetik beherakoak

  • Ordutegia: 12:00- 19:00. 
  • Distantzia: Kilometro bat, gehienez.
  • Iraupena: Ordu bete, gehienez.
  • Nola: Distantziak eta neurriak bermatuz.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.