Eider Mendoza foru bozeramaileak Gipuzkoako adineko pertsonen egoitzetako egoeraren eguneroko balantzea egin du. Positibo berririk ez egotearekin batera, azpimarratu du sendatutakoak geroz eta gehiago direla. Azken orduetan, Zumaiako Otezurin egoitzako bost egoiliar, Irungo Caser Residencial Anakaneko lau egoiliar eta Eibaro San Andreseko hiru sendatu dira.
Guztira, gaur arte, 239 adineko pertsonek jaso dute mediku alta, 161 zendu dira eta 148k jarraitzen dute diagnostiko positiboarekin. 15 dira COVID-19 kasu positiboak dituzten egoitzak, 25 lagun Donostiako Gurutze Gorriaren zentro soziosanitarioan ingresatuta daude eta beste 25 ospitalean.