Eider Mendoza foru bozeramaileak jakinarazi duenez, eguneko balantzeak hiru hildako utzi ditu Gipuzkoako adineko pertsonen egoitzetan. Hain zuzen ere, Gipuzkoako adinekoen egoitzetan hil diren hiru lagunetako bi Debagoieneko zentroetan zendu dira gaurkoan; bat Iturbide egoitzan eta beste bat GSR Aretxabaletan. Sendatu diren pertsonak Eibarko Egogain eta San Andres zentroetako egoiliarrak dira.
Aldunditik emandako datuen arabera, gaur arte, guztira, 5.424 pertsona hartzen dituzten Gipuzkoako 65 egoitzetan 204 dira mediku alta jaso duten pertsonak, 160 zendu dira eta 181ek jarraitzen dute diagnostiko positiboarekin. Hain zuzen ere, 15 dira dute Covid-19 kasu positiboak izaten jarraitzen dituzten egoitzak, 27 lagun daude Donostiako Gurutze Gorriaren zentro soziosanitarioan ingresatuta eta 28 ospitaleratuta.
Desinfekzio lanak
Bozeramaileak gaineratu du, egoitza zentroetako desinfekzio lanekin jarraitzen dutela, suhiltzaileen, DYAko boluntarioen eta logeletan ekipo espezializatuen eskutik. Lau egunez behin egiten dira Covid-19 kasu positiboak dituzten egoitzetan eta astero gainontzekoetan. Hala, azken orduetan, berriro desinfektatu dira GSR Aretxabaleta, Arrasateko Iturbide, Donostiako La Paz, Aterpe, Hotzaldi-Cáritas eta Berra, eta Irungo Caser Residencial Anaka.
