Egubakoitzean eta zapatuan hamar kutsatuen langa gainditu ostean, behera egin du berriro kurbak. Oñati, azken orduetako hiru kasu horiekin, Aretxabaletarekin berdindu da, eta Bergara ere antzera dago, bi gutxiagorekin. Arrasatek, ostera, Debagoienean kutsatutako kasuen ia %60 ditu.
>Grafiko guztiak modu interaktiboan ikusi hemen.
Datuak herriz herri
Kutsatze-tasa 100.000 biztanleko (2018ko INEren biztanleria datuetan oinarrituta):
| Herria | Positiboak | 100.000 biztanleko kutsatze-tasa |
| Arrasate | 219 | 994,60 |
| Oñati | 44 | 388,18 |
| Aretxabaleta | 44 | 629,74 |
| Bergara | 42 | 287,75 |
| Eskoriatza | 13 | 318,08 |
| Antzuola | 4 | 187,27 |
| Aramaio | 2 | 134,86 |
| Elgeta | 2 | 176,21 |
| Leintz Gatzaga | 0 | 0,00 |
Hego Euskal Herriko datuak
Hego Euskal Herriari dagokionez beste 348 gaixo daude azken orduetan. Hona hemen lurraldeka: Gipuzkoan, 35; Araban, 44; Bizkaian, 91; eta Nafarroan, 178.
Honenbestez, 20 milara gerturatzen dabiltza kasu positiboak; 19.767 dira gaur gaurkoz metatutakoak –uneren batean positibo eman dutenak–. Hala ere, azken egunotan, poliki-poliki, kasu gutxiago daudela diote datuek.
Bestetik, 20 lagun hil dira azken orduetan COVID-19 gaitzak jota, eta guztira, 1.661 dira Hego Euskal Herrian hildakoak. Errekuperatuen datua, ostera, gorantz doa, eta atzo, 759 izan ziren; hala, 11.437 dira guztira gaitza izan eta errekuperatu direnak.
Atzo, zapatua, 7.318 test egin zituzten guztira: 4.423 PCR erakoak eta 2.895 test azkarrak.
