Iluntzean esan du hori Pedro Sanchezek. "Egoera hobetzen bada" eta "kutsatu kopurua jaisten bada", maiatzaren 2tik aurrera kirola egitera eta paseatzera atera ahal izango direla herritarrak, "bakarka zein etxean bizikide dituen senideekin". Alarma egoera maiatzaren 9ra arte dago luzatuta.
Espainiako presidenteak gaineratu du konfinamendutik poliki-poliki ateratzeko proiektua aurkeztuko duela datorren martitzenean, apirilaren 28an, Ministroen Kontseiluan onartu eta gero. Esan du "zuhurtzia handian" eta "adituen esanetan" oinarritutakoa izango dela.