Anbulantziekin lan egiten duten hainbat kideren ekimena izan da osasun arloko langileei aitortza adieraztea egiten dabiltzan lanagatik, eta udaltzainak, ertzainak eta suhiltzaileak ere gonbidatu dituzte horretara. Haien asmoa da Bergarako, Aretxabaletako eta Arrasateko zaharren egoitzetatik pasatzea eta Debagoieneko ospitalean bukatzea omenaldiarekin.
Bergarako zaharren egoitzara joko dute lehenengo, 18:30ak bueltan; handik, 19:15ean, Aretxabaletako GSR egoitzara joango dira; eta ondoren, 19:40ak bueltan, Arrasateko Iturbidera. 20:00etan, Debagoieneko ospitalera joko dute omenaldiarekin bukatzeko.
"Bederatzi bat anbulantzia elkartuko garelakoan gaude; eta udaltzainak eta ertzainak ere gonbidatu ditugu. Suhiltzaileek adierazi digute zaharren egoitzak desinfektatze lanetan dihardutela", azaldu dute antolatzaileek.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
