Klimaren aldeko “ekintza globala” egin nahi dute mundu mailako hiru eragileek, eta horretarako “ekintza berezia” deitu nahi izan dute gaurko. Antolatzaileen hitzetan, ekimenaren funtsa ingurumena eta pertsonak erdigunean jarrita, justizia soziala eta ingurumena kontuan izango dituen sistema aldarrikatzea izango da. Horretarako, 22:00etan leiho eta balkoietatik soinuak eta itzalak proiektatzera deitu dituzte herritarrak, eta ondoren argazki eta bideoak sare sozialetan partekatzera.
Klima larrialdia
Klima krisia “errealitate gordina” dela diote deitzaileek, eta agintari politikoek neurriak hartu behar dituztela: “Inoiz ez bezalako larrialdi klimatiko bati aurre egin behar diogu, eta bizitza babesteko arduraz jokatu behar dugu”.