Gaur emandako datuen arabera, 5.425 pertsona artatzen diren 65 zentroetako sarean, guztira 106 dira gaixotasuna gainditu duten adinekoak, 146 hil direnak eta 279 diagnostiko positiboarekin daudenak.
Mediku alta jaso duten pertsonak bizi dira Eibarko San Andres egoitzan (2) eta Eskoriatzako Jose Aranan (1). Hildakoak, berriz, izan dira GSR Aretxabaletan (1), Donostiako Berran (1) eta Zumarragako Argixaon (3). Bestalde, hamasei positibo daude egoitzatan, 42 lagun daude ingresatuta a Donostiako Gurutze Gorriaren zentroan eta 35 ospitalean.
Foru bozeramaile Eider Mendozak adierazi du, azken orduetan, suhiltzaileen foru zerbitzuak desinfekzio eta garbiketa lanekin jarraitu duela. Gaur berriro desinfektatu dira Eibarko San Andres eta Egogain, eta Hondarribiko Uliazpi egoitzak.
