Osakidetzak atzoko 20:00ak arteko datuak jakinarazi ditu, hala, EAEn COVID-19 gaitza duten 266 kasu berri daude eta baieztatutako kasuak, guztira, 12.355 dira dagoeneko –horietatik 1.076 daude ospitalean ingresatuta–.
Bizkaian 6.868 kutsatu daude eta 664 lagun daude ospitalean. Araban 3.194 positibo zenbatu dituzte guztira eta 174 pertsona ospitalean daude. Gipuzkoak atzetik jarraitzen du, 2.293 kasu positibo daude guztira. Gainera, Gipuzkoan, 238 gaixo daude ospitalean, horietatik bat Arrasateko ospitalean.
Datu positiboei dagokienez, 141 alta egon dira dagoeneko EAEko ospitaletan, horietatik bi Arrasaten. Guztiz sendatutakoei dagokienez, 6.566 pertsona daude erregistratuta orain arte.
Azken orduetan 28 pertsona hil dira gaitzaren eraginez EAEn, eta ondorioz, 1.020 dira hildakoak, guztira. Hala eta guztiz ere, Nekane Murga Osasun sailburuak azaldu du aurreko egunean baino 67 pertsona gutxiago daudela ingresatuta, eta aldiz, 13 pertsona gutxiago ari direla zainketa intentsiboak jasotzen.
Datuak herriz herri
Kutsatze-tasa 100.000 biztanleko (2018ko INEren biztanleria datuetan oinarrituta):
| Herria | Positiboak | 1000.000 biztanleko tasa |
| Arrasate | 194 | 881,06 |
| Oñati | 37 | 326,42 |
| Bergara | 33 | 226,09 |
| Aretxabaleta | 32 | 457,99 |
| Eskoriatza | 11 | 269,15 |
| Antzuola | 3 | 140,45 |
| Aramaio | 2 | 134,86 |
| Elgeta | 2 | 176,21 |
| Leintz Gatzaga | 0 | 0,00 |
Positiboen banaketa bailarako herrien artean:
Detekzio proba gero eta gehiago
Bestalde, Murga osasun sailburuak adierazi du "kasu berriak detektatzen eta isolatzen" jarraitzeko asmoa dutela, eta horrenbestez, detekzio proba "gero eta gehiago" egiten ari direla; atzo 2.999 proba egin zituzten guztira, eta horietatik %9ak eman zuen positibo, "orain arteko potzentzaia baxuena". Gaineratu duenez, azken egunetan zaharren egoitzetako egoiliar eta langileei egin dizkiete probak, eta ildo beretik jarraituko dute aurrerantzean: "Osakidetzako profesional guztiei test azkarrak egiten hasiko gara datozen egunetan". Oro har, esan du azken egunetako datuek "eboluzio positiboa" erakusten dutela.
