Jazotako egoeren edo erasoen testigantzak bidaltzeko edota aholkularitza juridikoa jasotzeko, lubakisarea@gmail.com helbidera idatz daiteke.
Izan ere, Lubaki-Langile Elkartasun Sareak dioenez, COVID-19 birusaren ondorioz sortu den egoeran, "langileriak ondorio larrienak pairatu beharko ditu. Alde batetik osasun krisiari egin beharko dio aurre. Bestetik, baina ez garrantzi gutxiagorekin, burgesiak koiuntura aprobetxatuz abiarazi duen ofentsibari egin beharko dio aurre".
"Ofentsibari dagokionez", diote, "gaurdanik" ikus daitekeela "sistemaren berrantolaketa estruktural bat" egitekoak direla, eta, "beste behin ere, langileriaren lubakiari egokituko zaiola ondorioak pairatzea.
Diote, argi dutela langileriari "zuhurtziaz eta errespontsabilitatez" jokatzea dagokiola orain, "eta osasun irizpideak zorrotz" betetzea, baina gehitzen dute "osasuna, egia, askatasun politikoak eta langile antolakuntza" behar direla "burgesiaren ofentsibaren aurrean".