Azken 35 urteetan Dyako boluntario den Asentzio Zubillaga izan da Garibai autobus geltokian maskara higienikoak banatzen: "Babes-zibilak eman dizkigu maskarak. Goizeko 6:30ean etorri naiz Arrasateko Garibai autobus geltokira. 5.000 maskara ekarri ditut, baina ikus dezakezun moduan, garraio publikoko erabiltzaile kopuru txikia ikusita oso gutxi banatu ditut".
Nabarmendu du berak eskaini egiten dituela baina ez dela derrigorra ez hartzea ezta erabiltzea ere.
"Babes-zibilak aginduta etorri gara hona. Geltoki nagusienetan gaude: bailaran Arrasaten; horrez gain, Eibarren, Gasteizen, Donostian... Gaur hona etorri gara baina bihar non egongo garen ez dakit".
Erabilera bakarreko maskarak dira garraio publikoko erabiltzaileei banatu zaizkienak.
