Debagoiena

Beste hamalau positibo Debagoienean

Oihana Elorza Gorostiza 2020ko api. 12a, 14:13

Kasu metatuen grafikoa

Positibo berri horietatik bederatzi Arrasaten eman dira, bi Oñatin eta bana Aretxabaletan, Bergaran eta Eskoriatzan. Honenbestez, 283 lagunek eman dute positibo bailaran. Arrasateko ospitalean hamabi lagun daude ingresatuta; pertsona batek alta jaso du atzo eta gaur goiza bitartean.

Osakidetzak emandako datuen arabera, beste hamalau positibo eman dira Debagoienean. Arrasten izan dira horietatik gehienak, bederatzi guztira. Leintz Gatzagan oraindik ez da positiborik antzeman.

Herria	Positiboak	1000.000 biztanleko tasa
Arrasate	177	803,85
Oñati	34	299,96
Bergara	29	198,69
Aretxabaleta	28	400,74
Eskoriatza	9	400,74
Antzuola	3	140,45
Aramaio	2	134,86
Elgeta	1	220,21
Leintz Gatzaga	0	0,00

Atzo 1.464 test egin ziren, Osakidetzaren esanetan, eta horietatik %17k bakarrik emaitza positiboa eman zuten. Guztira, 30.216 proba egin dira. Alta emandako pertsonak 4.867 dira. Atzo bakarrik, 127 alta eman zituzten.

Datu orokorrei begiratuz gero, EAEn 257 #COVID19 kasu berri erregistratu dira. Hala, kutsatutakoak 10.772 dira guztira (baieztatutako kasuak) eta horietatik 1.464 ospitalizatuta daude. Datuak herrialde ikusiz gero: Gipuzkoan 1.955 dira positiboak (72 berriak), Araban 3.019 (28 berriak), Bizkaian 5.798 (147 berriak) eta Nafarroan 3.969 (152 berriak).

Grafiko guztiak modu interaktiboan ikusi hemen.

Oharra: EAEko kasu berriei dagokienez, Eusko Jaurlaritzak Espainiako Ministerioari helarazitako datuak eta Irekian partekatzen duen buletin ofizialeko datu zehatzak ez datoz bat. Albiste honetan jakitera ematen diren datuak, Jaurlaritzaren eguneko buletin ofizialean oinarrituta daude.