Apirilaren 1etik 6ra bitartean, guztira, 25.000 langile baino gehiari lana ematen dieten 397 enpresek erantzun dute Adegik bidalitako inkesta. Hala, erantzuna eman duten lantegien artean % 54 industriakoak dira, % 6,5 eraikuntzakoak eta ia % 40 zerbitzuen sektorekoak. Bertan erreparatu dutenez, Gipuzkoako hamar enpresatik zazpik geldituta dute haien jarduera ekonomikoa une honetan.
Jarduera partzialki etenda gehienek
Datuek azaleratu dutenez, enpresa horien % 42k jarduera partzialki etenda dute; aldi baterako enplegu-erregulazioko espediente partzial batengatik zenbait kasutan; % 28k jarduera erabat etenda dute; eta %30ak jarduera normala dute, aurrez aurrekoa, telelana edo mistoa jarraitzen baitute. Azken hauen artean telelanean ari dira gehienak; % 6k aurrez aurreko jarduera dute, % 16,5ek telelana egiten dute eta % 7k jarduera mistoa dute.
Enpresa ertainak kolokan
Enpresa ertainen %81k du etenda bere jarduera, hala tamainaren arabera errepatuz gero kaltetuenak direlarik. Enpresa handien kasuan, %67k du geratuta bere jarduera eta enpresa txikiek %66k.
Eraikuntza eta merkataritza kaltetuenak
Sektoreka erreparatuz gero, eraikuntza (%96 dago geldirik), merkataritza eta ostalaritza (% 91), metaleko industria (% 83) eta bestelako enpresa industrialak (% 67) dira kaltetuenak. Jarduera normal mantentzen dutenen artean ordea, telelana nagusi bait da, enpresentzako zerbitzuetan aritzen dira enpresen % 65 eta, gainerako zerbitzuetan enpresen % 47,5.
