Debagoieneko ikuspegi eta parajeak jasotzeko helburuz eta "herritarren begiradarekin eskualdea orain arte ikusi ez dugun bezala ezagutu eta ezagutarazteko" asmotan, 'Ezagutu Debagoiena' ekimena abiarazi du Debagoieneko Mankomunitateko Turismo sailak. Hala, leihotik, balkoitik edo terrazatik argazki bat atera eta haien Instagrameko profilean argitaratzera animatu ditzute herritarak, #debagoienaezagutu hastag-a jarrita.
Zozketa astelehenetan
Irudiaz gain, zein herritan ateratakoa den eta deskribapen txiki bat gehitzea eskatu dute, ikusten denaren berri eduki ahal izateko. Parte hartzaile guztien artean, debagoieneko produktu sorta bat zozketatuko dute astelehenero eta argazkia aukeratzerako orduan honako irizpide hauek jarraituko direla jakinarazi dute; debagoieneko herri baten hartutako argazki bat izan behar da eta leiho, terraza edo balkoi batetik aterata egon behar da.
