Guztira, hamabi dira kasu positiboren bat antzeman duten egoitzak, hemezortzi hildako pertsonak eta 135 kasu positibo izan dira Gipuzkoako egoitza sarean. Gurutze Gorrira 25 pertsona eraman dira eta 10 ospitaleratuta daude.
Aterpetxeak, bazterketa egoera larrian daudenendako
Era berean, Mendozak jakinarazi du aterpetxeak erabiltzea planteatzen duela Aldundiak "egungo zein etorkizuneko beharrei erantzuteko". Hala, Hondarribiko eta Orioko aterpetxeez gain, Zarauzko zentroa ere bideratuko dute bizitegi bazterketa egoera larrian dauden pertsonen arretarako. Zarauzko aterpetxeak 30 pertsonendako lekua du, eta dagoeneko hamar lagun eraman dituztela bertara jakinarazi du; Hondarribikoak, ostera, 25 plaza ditu eta Oriokoak 20. "Udalekin, hirugarren sektoreko eragileekin eta Osakidetzarekin lankidetza estuan jarraitzen dugu pertsona horiei behar duten arreta eskaintzeko, osasun krisi honen ondorioz bizi dugun errealitatearen aurrean, egoera zaurgarrian daudenak", azpimarratu du foru bozeramaileak.