Horren bidez, turismo negozio berriak bultzatzeko programa berrituko du Aldundiak, eta turismo ekimen txikien egitura eta zirkulatzaile gastuak ordaintzen laguntzea da asmoa. Zenbatekoari dagokionez, gehienez 2.000 euro emango ditu enpresa bakoitzeko, autonomoa bada eta bere kargura langilerik ez badu; gehienez 3.500 euro, enpresak 2 edo 3 langile baditu, eta gehienez 5.000 euro, enpresak 4 langile edo gehiago baditu.
Deialdiaren informazioa Aldundiaren diru-laguntzen atarian egongo da eskuragarri. Eskabideak, gainerako agiriekin batera, Internet bidez aurkeztu beharko dira, foru erakundearen egoitza elektronikoaren bidez –horretarako eskuragarri dagoen inprimaki espezifikoa beteta–. Eskaerak aurkezteko epea 2020ko uztailaren 1ean bukatuko da.