Ospitaleetako farmazia-zerbitzuetatik eta farmaziatik, bi hilabetetarako arrisku handieneko eta ahuleneko pertsonei botikak etxean emateko sistema bat antolatu dute. Etxez etxeko entrega-prozesu osoa garatzeko, Foru Aldundiekin, Farmazialarien Elkargo Ofizialekin eta farmaziekin, boluntariotza-sarearekin eta farmazia-banaketarekin ari dira elkarlanean.
Premia larriko kasuetan, biztanleek medikazio-premiarekin lotutako eskaerak modu ordenatuan egin ahal izan ditzaten, lan-protokolo bat ezarri dute Eusko Jaurlaritzako herritarrentzako arreta-zerbitzuarekin, eta 012 Zuzenean arreta-telefonoa jarri dute herritarren eskura. Bertan, sendagaiak lortzeko eman beharreko urratsen inguruko informazioa emango da. Informazio gehiago hemen.