Debagoieneko positiboak, egunez egun
Martxoaren 19an hasi zen Osakidetza Euskal Herriko positiboen herriz herriko datuak helarazten. Gauzak horrela, martxoaren 19an, 27 positibo zeuden Debagoienean eta egun, martxoaren 30ean, 129 kutsatutako herritarrak.
Debagoieneko Ospitalaren egoera
Debagoienean positiboak areagotzen joan diren heinean, Debagoieneko Ospitalean dauden ospitaleratu kopurua ere aregoatu egin da. Baina kasu honetan, ospitalean ematen diren altak ere oso garrantzitsuak dira eta gaur esate baterako, COVID-19a gaindituta, 88 urte gizonezko bati eman diote alta Debagoieneko Ospitalean.
Positiboak, Arrasaten
Arrasaten 66 herritarrek eman dute positibo koronabirusaren proban eta gaur-gaurkoz kasu gehien dituen Debagoieneko herria da. Azken orduetan gainera, 11 kasu gehiago zenbatu dira.
Positiboak, Aretxabaletan
Gipuzkoa mailan, koronabirusaren proban positibo eman zuen lehena, Aretxabaletako neska gazte bat izan zen eta gaur egun, 18 dira birusa duten herritarrak.
Positiboak, Bergaran
Bergaran 17 dira koronabirusaren proban positibo eman dutenak. Azken egunetako datuak erreparatuz, martxoaren 28tik 29ra gertatu dira kasu berri gehienak, 12 kasutik 16ra, alegia.
Positiboak, Oñatin
Oñatin 18 dira birusagatik kutsatuta dauden herritarrak. Azken astetan gainera, bi oñatiar hil dira koronabirusagatik.
Positiboak, Eskoriatzan
Eskoriatzan 10 koronabirus kasu baino gutxiago daude gaur egun, 7 alegia. Azken hiru egunetan gainera, zifra horri eutsi egin diote. 
Antzuola eta Aramaioko kasuak
Antzuolan bi dira koronabirusaren proban positibo eman dutenak eta kasu bakarra dago Aramaion. Antzuolan martxoaren 26an, zenbatu zen bigarren positiboa eta azken egunetan zifrari eutsi diote. Aramaion berriz, duela hamar egun baieztatu zen herriko kasu bakarra eta momentuz ez dago positibo berririk.
Elgeta eta Leintz Gatzaga
Elgetan zein Leintz Gatzagan ez dago momentuz koronabirusaren proban positibo eman duen herritarrik.
