Ibai-arteren ekimena
Ibai-arteren ekimenez, atzo, domeka, Arrasateko InterSport dendan 52 urpekaritza-maskara jaso zituzten. Izan ere, Arrasateko merkatarien elkarteak ospitaletako langileen eskaerari erantzun nahi izan dio, eta beraien asmoa gainera, maskara gehiago jasotzen jarraitzea litzateke, baina elkartetik jakinarazi dute, momentuz ez dituztela gehiago jasoko ospitaletatik horrela eskatu dietelako, nahiz eta herritarrek erakutsi duten elkartasuna eskertu nahi izan duten.
Urpekaritza-maskaren zerrenda
Asteburuan, herritar ugari jarri dira Ertzaintzarekin harremanetan beraien urpekaritza-maskarak uzteko duten interesa erakutsiz. Gauzak horrela, Ertzaintza zerrenda bat osatzen hasi da herritarren datuekin eta ospitaletatik maskaren beharra dagoela jakinaraziz gero, zerrenda horretan daudenekin jarriko lirateke harremanetan, maskarak lortzeko. Aurrerantzean baina, Arrasaten esate baterako, Udaltzaingoak osatuko du aipatutako zerrenda eta Bergaran berriz, BAZera deitu beharko da.
