Osakidetzak atzoko 20:00ak arteko datuak jakinarazi ditu, hala, EAEn COVID-19 gaitza duten 604 kasu berri daude eta baieztatutako kasuak, guztira, 5.740 dira dagoeneko.
Bizkaian 2.776 kutsatu daude, horietatik 313 positibo berriak dira eta 1.096 lagun daude ospitalean. Araban 1.947 positibo zenbatu dituzte guztira, horietatik 168 kasu berriak dira eta 353 pertsona ospitalean daude. Gipuzkoak atzetik jarraitzen du, 1.017 kasu positibo daude guztira, baina 123 positibo berri egon dira. Gainera, Gipuzkoan, 320 gaixo daude ospitalean, horietatik 26 Arrasateko ospitalean.
Datu positiboei dagokienez, azken orduetan 250 alta egon dira dagoeneko EAEko ospitaletan, horietatik bakarra Arrasaten. Guztiz sendatutakoei dagokienez, 1503 pertsona daude erregistratuta orain arte.
Gainera, COVID-19 gaitzak hildako pertsonen kopurua 265era igo da, 24 hildako berri egon dira EAEn. Bestalde, dagoeneko ia 14.071 detekzio proba baino gehiago egin dituztela jakinarazi du Osakidetzak, horietatik 1.400 baino gehiago atzo.
Osakidetzako Plangintza, Antolamendu eta Ebaluazio sanitarioko zuzendari Mikel Sanchezek azaldu duenez, EAEn kutsatutako pertsonen %16 osasun arloko langileak dira.
Datuak herriz herri
| Herriak | Positiboak |
| Arrasate | 55 |
| Aretxabaleta | 18 |
| Bergara | 16 |
| Oñati | 14 |
| Eskoriatza | 7 |
| Antzuola | 2 |
| Aramaio | 1 |
EAEn kutsatutakoak adin tarteka
| Adina | Positiboak |
| 0-9 | 19 |
| 10-19 | 38 |
| 20-29 | 262 |
| 30-39 | 542 |
| 40-49 | 863 |
| 50-59 | 1091 |
| 60-69 | 1009 |
| 70-79 | 932 |
| 80-89 | 707 |
| 90 urte edo gehiago | 277 |
Osakidetzako informazio buletina osorik ikus dezakezu hemen.
