Jende asko batu zen festara hiru herrietan, eta balkoietan argiak eta musika izan ziren nagusi. DJak egon ziren toki ezberdinetan, eta mozorroek ere izan zuten euren tokia.
Herrietako puntu ezberdinetan jarritako kamerei esker zuzeneko irudiak ikusteko aukera izan zen Youtube-ren bitartez. Hala eta guztiz ere, ezin izan zituzten –aurrez iragarri moduan– drone bidezko irudiak grabatu, alarma-egoeran aireko espazioa inbaditu ezin daitekeela adierazi zielako Ertzaintzak antolatzaileei.
