Zazpi eta hamar pertsonek osatutako call center baten bidez bideratuko dute telezaintza zerbitzua, eta gizarte baliabideetako erabiltzaileen eta familien beharrak erantzungo dituztela argitu dute: "Erabiltzaileen beharrak zentralizatu eta kudeatzeko zerbitzua da, beti ere, ematen ari garen zerbitzua eta arreta hobetzeko helburuarekin”, azaldu zuen atzo Eider Mendozak.
COVID-19aren gaineko webgunea
Bestalde, COVID-19 gaitza Gipuzkoan izaten dabilen eraginari buruzko informazio guztia jasotzen duen webgunea jarri du abian Foru Aldundiak. Gipuzkoako eguneroko datuak jasotzen dituzte han, eta foru erakundean hartutako neurrien berri eman ere bai, besteak beste, Aldundiarekin harremanetan jartzeko kanaletan eman diren aldaketak, Lurraldebus zerbitzuko ordutegi berriak, neurri ekonomikoak edo beste aldaketa administratibo batzuk.
