Bizkaian atzeman dituzte positibo berri gehien, 144 guztira; Gipuzkoan 71 dira kasu berriak eta Araban 80. Honenbestez, Bizkaian dagoeneko 1.189 pertsonak dute COVID-19 gaitza, Araban 1.086k eta Gipuzkoan 453 dira.
Debagoienari dagokionez, Arrasate, Bergara eta Aretxabaletan identifikatu dira kasu berriak, beste herrietan ez da aldaketarik egon asteleheneko 20:00 arteko datuen arabera. Horretaz gain, Arrasateko ospitalean dauden gaixoak 20 dira.
Bestalde, Nekane Murga Osasun sailburuak gaur eskainitako prentsaurrekoan nabarmendu nahi izan du 296 pertsonak jaso dute ospitaleko alta eta beste 48 guztiz sendatuta daudela dagoeneko. Horrez gain, orain arte 7.646 test egin direla esan du sailburuak. Proba horietan 2.728 positibo eta 4.918 negatibo egon dira.
Datuak herriz herri
| Herriak | Positiboak |
| Arrasate | 22 |
| Aretxabaleta | 10 |
| Bergara | 8 |
| Oñati | 6 |
| Eskoriatza | 2 |
| Antzuola | 1 |
| Aramaio | 1 |
EAEn kutsatutakoak adin tarteka
| Adina | Positiboak | % |
| 0-9 | 16 | %0,6 |
| 10-19 | 33 | %1,2 |
| 20-29 | 139 | %5,1 |
| 30-39 | 269 | %9,9 |
| 40-49 | 393 | %14,4 |
| 50-59 | 501 | %18,4 |
| 60-69 | 480 | %17,6 |
| 70-79 | 430 | %15,8 |
| 80-89 | 346 | %12,7 |
| 90 urte edo gehiago | 121 | %4,4 |
Koronabirusak hildako pertsonen kopuruari dagokionez, 13 dira azken 24 orduetan hil direnak, guztiak 70 urtetik gorakoak. Honenbestez, orain artean hildakoen datuak horrela gelditzen dira: 20-29 urte arteko pertsona bat; beste bat 40-49 urte bitartekoa; bost 50-59 bitartekoak; hamar 60-69 urte bitartekoak; hogeita bederatzi 70-79 urte bitartekoak; berrogeita hemeretzi 80-89 urte bitartekoak eta hogeita zortzi 90 urte edo gehiagokoak.
Osakidetzako informazio buletina osorik ikus dezakezu hemen.
