Beste honako telefono zenbakira ere dei egin dezakete (10:30-14:30) edo Whatsapp mezu bat bidali: 688 741 451.
Bakardadean aurkitzen diren adineko guztiek erabil ditzaketela telefono zenbaki horiek adierazi dute Nagusilanetik; hitz egiteko beharra dutenak artatuko dituzte han.
Konfinamendu-orduetarako solasaldia
Zerbitzu hori indartzearen helburuak dira emozionalki laguntzea eta konfinamendu-orduetan solasaldi atsegina izatea koronabirusaren ondorioz bizi den egoera honetan. Zerbitzua dagoeneko martxan dago, eta "eskarmentu handiko" Nagusilaneko boluntarioek bideratzen dute.
Adinekoak identifikatuta dituzten edozein arlotako profesionalei ere dei egin diete: "Hitz egiteko beharra duten adineko pertsonak ezagutzen badituzte gure boluntarioekin harremanetan jartzera animatzen ditugu". Zerbitzua eska dezakete hilodeplata@nagusilan.org helbide elektronikoaren bidez.
