Huhezinema jaialdia bertsio birtualera moldatu dute eta zenbait aldaketa egin dituzte programazioan. Aurtengo jaialdiaren on-line eskaintza twitch, youtube eta instagram bitartez jarraitu ahal izango dute herritarrek, etxetik. Gainera, #etxeangeratu ekimenarekin bat eginez, sorpresaren bat edo beste egongo da etxetik elkarrekin disfrutatzeko.
Twitch: https://www.twitch.tv/huhezinema/
Youtube: https://labur.eus/huhezinema edo
https://www.youtube.com/channel/UCOT5RhdvNGfn6QCj6vQzrsg
Instagram: https://www.instagram.com/huhezinema/
Egitaraua
Martxoak 25, eguaztena
- 17:00 Mursego (musikari eibartarraren hitzaldia musikari gisa zinemarekin egindako kolaborazioez. Amama, Akelarre edo Arzak filmen soinu banden sortzailea)
- 20:30 Napardeath (Napardeathek (2019), Ataun of the Dead trilogia ixten du, Katihotsak Logia Kultur Elkarteak 2012an Ataun of the Dead filmarekin hasi eta 2014an jarraitu zuten Joxean’s hil ebenekin)
- 22:00 Sesion golfa (Beldur eta Fantasiazko film laburrekin streaming-a. Huhezinemaren aurreko edizioetako hautaketa eta Donostiako Fantasia eta Beldurrezko Jaialdiaren nazioarteko harribitxiak).
Martxoak 26, eguena
-11:30 MU Ikasleen Saila I (Mondragon Unibertsitateko Ikus-
entzunezko Komunikazioa Graduko Ikasleen film laburrekin streaming-a eta ikusleen botoa)
-17:00 Paul Urkijo (Errementari pelikularen zuzendariak, fantasia eta beldurrezko zinemaren inguruko masterclass bat emango du bere filmaren sormen prozesuan murgilduz)
-19:00 Instagramen zuzenean kontzertua: Idoia Begiaga
-20:30 MU Ikasleen Saila II (errepikapena)
Martxoak 27, egubakoitza
-17:00 Sail Ofiziala (finalisten emanaldia streaming-ean eta ikusleen botoa)
-20:00 Sari banaketa
-20:30 Instagramen zuzenean itxiera pintxada: DJ AZGaubela
Aldaketaren bat gertatuz gero, jaialdiaren sare sozialen bidez joango dira informazioa eguneratzen. "Aurreko edizioetan bezala, ikusleen parte-hartzea sustatu nahi dugu, horregatik ikuslearen saria on-line bozkatuko da. Streaming saioen aurretik eta bitartean nola bozkatu azalduko da. Gainera Filmin streaming plataforma eta Huhezinema jaialdiaren artean gauzatutako kolaborazioa iragarri nahi dugu. Egun hauetan hilabete baterako 20 harpidetza zozketatuko ditugu gure sare sozialetan, berrogeialdia zinema independenteenarekin entretenigarriagoa egiteko asmoz. Eta martxoaren 28tik aurrera, Filminen Huhezinema jaialdiaren kanala aurkeztuko dugu. Apirilaren 28a arte online disfrutatu ahal izango da Huhezinemarekin harremana duten luzemetraiak eta film laburrak".
