Atzo arratsaldeko 20:00rak arteko datuen arabera, 32 kasu positibo zenbatu dituzte Debagoienean. Arrasaten bi gehiago dira eta Aretxabaletan eta Bergaran, bakoitzean kasu bat gehiago. Gipuzkoan, Arrasate da positibo gehien dituen laugarren herria. Gogora ekarri behar da sintoma arinak dituzten pazienteei ez zaiela probarik egiten eta beraz, pentsatzekoa da gaixorik daudenen kopurua altuagoa dela. Arrasateko ospitalean 9 lagun daude ingresatuta eta ez dute gainkargarik. Osasun langileendako babes jantzien faltarik ere ez dago.
