Lurraldeka begiratuta, honela daude datuak. Araban, guztira, 703 dira kutsatuak eta horietatik 224 daude ospitaleratuta. Guztira krisia hasi zenetik 48 lagun hil dira bertan. Bizkaian, bestetik, 539 dira zenbatutako kasuak orotara. Horietatik 247 daude ingresatuta eta 17 pertsona hil dira. Gipuzkoari dagokionez, guztira 223 kasu zenbat dituzte, horietatik 79 pertsona daude ospitalean eta 6 dira hildakoak.
Egoerak larria izaten jarraitzen du eta epidemiak ez du oraindik goia jo. Horixe esan berri dute Eusko Jaurlaritzako iturriek. Mikel Sanchez Jaurlaritzako Plangintza, Antolamendu eta Ebaluazio Sanitarioko zuzendariak agerraldia egin du datuak emanez. Atzotik, 275 kasu berri daude EAEn eta guztira 1.465 dira koronabirusean positibo eman dutenak. 18 lagun hil dira eta 21 osatu.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak