Edukiontzi bidezko sistema
Aretxabaleta, Arrasate, Bergara, Elgeta, Eskoriatza eta Leintz-Gatzagan edukiontzi bidezko zabor bilketa daukate eta COVID-19aren proban positibo eman duten edota berrogeialdian dauden herritarrek ezingo dute hondakinen bereizketarik egin etxean eta hondakin guztiak errefusara botako dituzte eta plastikozko poltsetan ondo itxi.
Atez ateko sistema
Antzuola eta Oñati dira atez ateko sistema dutenak eta egoera honek irauten duen bitartean, aipatutako herrietako hainbat esekitokietan herritar guztien errefusa jasotzeko hainbat edukiontzi jarriko dira datozen egunetan. Modu horretan, herritar guztiek errefusa egunero atera ahal izango dute edukiontzi horietara.
Edukiontziak irekitzeko txartelak
Errefusaren edukiontziak irekitzeko ez da txartelik beharko irekita egongo direlako. Organikoaren edukiontzia berriz, txartel bidez ireki beharko da. Txartelen harira, Mankomunitateak jakinarazi du, hondakinen informazio bulegoan ez dela aurrez-aurreko arretarik eskainiko eta soilik telefonoz –943 50 47 21– edota helbide elektrinikoz –hondakinak@debagoiena.eus– artatuko direla herritarren zalantzak. Txartel berriak edota txartelek kopiak ez direla egingo ere aipatu du Mankomunitateak, erabiltzaileren baten txartelak funtzionatzen ez badu, hondakin organikoa errefusara bota behar dela esanaz.
Garbiguneak, traste zaharrak eta hunki eta berrerabilgarriak
Debagoieneko Mankomunitateak jakinarazi du, Arrasate, Bergara eta Oñatiko garbiguneetan gremioen hondakinak onartuko direla eta garbigune ibiltariaren zerbitzua momentuz, bertan behera utzi duela.
Horrekin batera adierazi du, traste zaharren eta hunki eta berrerabilgarriak jasotzeko zerbitzua eten egin dela.
Kontaktua
Mankomunitateak 943 79 35 98 telefono zenbakia eta ingurumena@debagoiena.eus helbide elektronikoa jarri ditu eskuragarri herritarren zalantzak eta kontsultak argitzeko.
