Aldi baterako eten zituzten eskolak EAEko ikastetxe guztietan joan den astean –lurralde bakoitzean egun ezberdinetan–, eta hamalau eguneko etenaldia izango zela zehaztu zuten orduan. Hezkuntza Sailetik jakinarazi dute orain, beste abisu bat eman arte luzatuko dutela etenaldi hori.
Ikastetxe guztiei eman diete aldaketa horren berri, eta gaineratu dute, adierazitako gainerako gidalerroek indarrean jarraitzen dutela, bai irakaskuntza-jardueraren garapenari dagokionez, bai ikasleei arreta emateari eta familiekiko komunikazioari dagokienez.
Era berean gogorarazi dute osasun-agintarien gomendioak "zorrotz" bete behar direla, "jardueraren normaltasunari ahalik eta lasterren berrekin ahal izateko".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.