Soraluzen atzo ozen gaitzetsi zuten hilketa, Plaentxia.eus-ek jasotako bideo honetan ikusten den moduan.
Euskal Herriko Mundu Martxaren mezua
Beste emakume bat eraila Soraluzen
Soraluzeko Octavia Gomezen hilketa matxistaren aurrean, honako hau nabarmendu nahi dugu:
Duela astebete izan genuen ere Euskal Herrian eraildako beste bi emakumeen berri. Hiru hildako astebete baino gutxiagoan, hau bai dela pandemia bat, eta horren aurrean ez da ez baliabiderik ez neurri zorrotzik jartzen. Salatu nahi dugu Madrilgo gobernuak hartu eta ezarritako neurriak, Lakuako eta Iruñako gobernuen abalarekin, ez dutela erantzuten emakumeen egoeraren errealitateari, ez gaituztela kontuan hartzen eta ez daudela bizi ditugun zirkunstantzien mailan.
Ez zaintzaren gaian (konpondu gabe eta gure bizkar gainean, nahitaez, beste behin), ezta indarkeria matxistaren prebentzioan ere. Etxeetan (ez etxebizitzetan) pertsona guztientzako derrigorrezko konfinamendua emakume askoren eta erasotzaileen nahitaezko itxialdia izaten ari da, salaketarik, ihesbiderik eta egoeratik ateratzeko aukerarik gabe.
Areagotuko diren kasu horiek konpontzeko eta horiei irtenbidea emateko ez dira bitarteko errealik edo eraginkorrik jarri. Horren aurrean, irtenbide errealak eta errealistak eskatzen ditugu, koronobirusaren krisian zehar indarkeria horri aurre egin ahal izateko.
Euskal Herriko Emakume Mundu Martxatik, herritar guztiak animatzen ditugu azken hilketa hau salatzera leiho eta balkoietara irtenda bihar, martxoak 17, asteartea 21:00etan eta ahalik eta zaratarik handiena eginez (kazolak, txilibituak...).
Era berean, eta gure auzo, herri eta hirietan aktibatu diren zaintza-sareekin batera, arreta eskatzen dizuegu indarkeria matxistari aurre egiten ari zaion gure auzokide oro detektatu eta babesteko, bakarrik ez daudela jakin dezaten!
ASKI DA!