Erabat gaitzetsi du Udalak bart Soraluzen izandako erailketa matxista; horregatik, joan den martxoaren 14tik –Abanton gertatutako erailketatik –udaletxeko balkoian jarrita dagoen gaitzespen pankartak han jarraituko du. Ildo beretik, biharko, martitzena, 21:00etan, deitu duten lapiko-jotzearekin bat egin du eta herritarrak ere horretara gonbidatu ditu.
Elkarretaratzerik ezin egin arren, erabat gaitzetsi gura izan du Udalak, 74 urteko emakumearen hilketa.
Era berean, jakinik isolamenduan egon beharra dagoela, laguntza behar izanez gero non eskatu hori gogorarazi dute: genero indarkeriaren biktima diren emakumeendako zerbitzu espezializatua eskaintzen duen Satevi-n: 900 849 111 – telefono zenbakia anonimoa da eta fakturan ez du arrastorik uzten–.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
