Grande-Marlaskaren esanetan Espainiako herritartasuna dutenek bakarrik pasatu ahal izango dituzte Espainiako Estatuaren mugak; langile mugakideei eta pisuzko arrazoiak aurkezten dituztenei ere utziko diete pasatzen. Aireportuen eta portuen gainean ez du ezer esan.
Europar Batasunak bihar erabakiko du
Europar Batasuneko buruzagiek bihar eztabaidatuko dute Ursula von der Leyen presidenteak proposatu duen neurria; bideokonferentzia bidez egingo dute. Salbuespenak egongo lirateke, besteak beste, etxera itzultzen diren EBko herritarrendako, osasun langileendako edo zientzialariendako eta EBren barruan lan egiten duten eta mugaren bat zeharkatu behar duten pertsonendako.
