Osasun ministerioak eskatu du koronabirusaren aurrean babesteko behar den material guztia osasun-agintarien esku uzteko. Horregatik, Gipuzkoako Farmazialarien Elkargoak herritarrei jakinarazi die babesteko erabiltzen diren maskarak, irtenbide hidroalkoholikodun gelak, alkoholak eta antzekoak erostera ez joateko. Une honetan ez dituztela produktu horiek erabilgarri adierazi dute, eta gaineratu, egonda ere, ezingo dietela erabiltzaile partikularrei saldu.
Era berean, erantzukizunez jokatzeko eskatu diete herritarrei, eta bakarrik, beharrezko botikak eta produktuak erostera joateko. Elkarteko presidente Miguel Angel Gastelurrutiak horren garrantzia azpimarratu du esanaz, botikek zabalik jarrai dezaten bertako langileak babestu beharra dagoela eta horretarako, oso garrantzitsua dela bisita kopurua murriztea.
