Ziklismoaren Nazioarteko Batasunak (UCI) eskatuta hartu dute erabakia antolatzaileek. Koronabirusa zabaltzeko arrisku handia dagoen herrialdeetan ziklismo proba debekatzea onartu du UCI-k, Osasunerako Mundu Erakundeak (OME) agindutakoari jarraiki. Hori horrela, apirilaren 6tik 11ra egin beharrekoa zen itzulia bertan behera utzi dute.
Eibarren hasi eta Bilbon bukatu beharreko Euskal Herriko Itzuliko tropela Debagoienetik pasa behar zen lehen etapan. Hain justu ere, Elgetatik pasa behar ziren ziklistak, Eibarren hasi eta Arraten bukatu behar zen ibilaldian.
Beste proba batzuk
Zapatuan bukatu zen Paris-Niza lasterketa izan da oraingoz jokatu den azken ziklismo proba. Aste batzuetan behintzat, ez da tropelik ikusiko errepideetan. Oraingoz bertan behera geratu dira apirilean egitekoak zirena Flandesko Tourra eta Paris-Roubaix.
Osasun krisia luzatu egingo balitz, Italiako Giroa bertan behera uzteko aukerak handituko lirateke. Bertan behera geratuko balitz, antolatzaileek uda partean egin gurako lukete, baina, kasu horretan, libre dauden datak topatzea izango zen lan handiena.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
