Iñigo Urkullu lehendakariak iragarri ditu EAE osoan bete beharreko neurriak. Hauek dira Aholku batzordeak biztanleriaren osasuna bermatzeko aginduak: adinekoendako eguneko zentroak ixtea eta egoitza publiko edo pribatuetan bisitak mugatzea; eta edozein motatako jarduerak bertan behera uztea: kultura, kirola, ostalaritza, turismoa, eliza zein elkarte eta txoko gastronomikoetako jarduerei eragiten dietenak, besteak beste.
Ostalaritza jardueren itxierak ez die eragingo etxera eramateko zerbitzua eskaintzen dutenei, ezta hoteletan gaua igarotzeari. Beti ere, pertsonen artean metro eta erdiko aldea mantentzeko aukera eskaintzen badute.
Neurri hauek 15 egunerako indarrean bihar jarriko diren arren, gaurtik martxan jartzeko gomendioa egin du Lehendakariak herritar ororen osasuna bermatzeko. Koronabirusa gainditzea "denon esku" dagoela gaineratu du eta herritar orok egin behar duela eskatutako esfortzua azpimarratu du.
Erabakiak "profesionaltasunez eta arduraz" hartzen ari direla esan du Urkulluk, konfinamenduaren inguruan galdetu diotenean. Azaldu du "momentuaren arabera" hartuko dituztela erabaki berriak. Jakitera eman dute, une honetan, 657 kasu daudela baieztatuta Euskal Herrian, eta hemeretzi lagun hil direla.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
