Kamiseta arrosak aldean jantzita egin dute lau bat kilometroko bidea Aresko martxari babesa ematera gerturatutakoek. Eskoriatzan elkartu dira, eta han Igone Armendariz herritarra omendu dute. Hain zuzen ere, zaintzari egin gura izan diote keinu aitortza horrekin, semearen eta senarraren zaintza lanak bere gain dituelako Armendarizek. Hunkituta jaso ditu lore sorta eta plaka Joserra Zubizarreta alkatearen eta Eskoriatza kirol elkarteko presidente Javi Corbalen eskutik.
Aretxabaletara iritsitakoan, kirolean ere berdintasuna eskatu dute Garazi Estebez txirrindulari gaztea omenduta; aurten 18 urte beteko dituen aretxabaletarrak sari mordoa eskuratu ditu dagoeneko. Urduri eta pozik agertu da Unai Elkoro alkateak eta Areskoko ordezkari Olaia Etxenausiak loreak eta plaka emandakoan.