Egoarbitza baserriko Jon Olaortua izan da agerraldian parte hartu duen herritarretako bat: "Kea eta usaina nabarmentzekoak dira. Etxetik ikus dezakegu zabortegia eta ikusten den mugimendua harrigarria da. Informazioa komunikabideetatik eta alkateak kontatzen digunetik jaso dugu, ez beste inondik. Haizearen norabidearen arabera usaina nabarmenagoa da edo ez eta gu honezkero hasi gara neurriak hartzen; leihoak itxita eta ganadu lanetarako maskararekin badaezpada. Airearen kalitatearen azken emaitzak ikusita, are kezkatuago gaude. Eta ez hori bakarrik: beldur handia daukat euriaz eginez gero hori guztia oso ezegonkor dagoelako". Olaortuak, gainera, ezagutzen ditu desagertuta dauden bi langileak: "Ea lehenbailehen ateratzen dituzten; ni neu ibilitakoa naiz kamioian handik. Tragedia itzela da".
Kezka eta haserrea Elgetan, eta informazioa zuzenean jasotzeko eskaera
100 lagun inguru elkartu dira Elgetako plazan Zaldibarko zabortegitik gertu dagoen Eitzaga auzora manifestazioan joateko. Herritar batzuek aipatu dute Elgetan igarri dutela usaina eta zabortegitik gertuen bizi direnak, Egoarbitza baserrikoak kasu, beldur dira. Iraitz Lazkano alkatearen ustez, "tristea" da herritarrak informatzen ibili behar izatea sare sozialetan eta komunikabideetan ikusitakoetatik: "Herritarrak guri datoz galdetzera, eta erantzun bat eman behar diegu".
Erlazionatuak
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
