Ekitaldian, sariak ematen, Xabier Arruti, GFAko Nekazaritza eta Landa Garapeneko zuzendari nagusia, Jone Fernandez Eusko Jaurlaritzako Landa eta Itsasertz Garapenerako eta Europear Politiketako zuzendaria, Ana Mª Eizagirre Landaolako Lehendakaria, eta Unai Elkoro Aretxabaletako alkatea izan dira, besteak beste.
Saridunak
Erakunde publikoek sustatutako proiektuen saria Azpeitiko Udalak jaso du Aratzerrekako ura garbitzeko sistema naturalaren proiektuarengatik. Erakunde pribatuen arloan, berriz, Alekak jaso du saria, Euskal Herriko Hazi Ekologikoak proiektuagatik. Emakumeak landa eremuan saria, berriz, Ebel elkarteak jaso du, landa eremuan emakumeek eta emakume elkarteek egindako lan eskerga nabarmenduz, eta itzalean gelditu den esfortzua azalaratuz. Azkenik, urteetako ibilbideari saria, Jaime Zubia Zinkunegik jaso du, hunkituta, baina, pozez. Baserritarren prestakuntza eta nekazari berrien formazioa izan da bere bizitzako lan-arlo nagusia. Zabalegiko Nekazari Eskolan irakasle gisa hasi zen 60ko hamarkadan eta bertako arduraduna izaten jarraitu zuen, helduen formazioan…, besteak beste. Hala, landa ingurunearen alde egindako lan oparoari eskertza egin diote.
Honako hauek izan dira Landaola sarietarako hautagaiak:
Elkarte pribatuko hautagaiak
- Igeldoko Kooperatiba
- Libe Ramila Gabiria eta beste bat
- Txurruka jatetxeak
- Goierriko Nekazal Kooperatiba
- Gurdi kooperatiba
- Aleka
Elkarte publikoko hautagaiak
- San Markos Mankomunitatea
- Leintz Gatzagako Udala
- Itziarko Auzo Udala
- Idiazabalgo Udala
- Berastegiko Udala
- Azpeitiko Udala
