Proiektu honek izaera publikopribatua du. Gatzagako Udalak inbertsioen kostua bere gain hartzen du, baina kudeaketa erakunde pribatu bati esleitzen dio. Hain zuzen, Libe Ramila eta Beste Bat.
Jauzi handia azken urteetan
Azken hiru urteetan egindako lanari eta Leader dirulaguntzaren bitartez gauzatzen ari diren inbertsioei esker, gaur egun museoko jarduera bere osotasunean modu lehiakorrean aurrera eramateko aukera eskaintzen du. Hala, Udaletik sustatu eta kudeatu den Gatz Museoko jarduera ekonomikoa aurrera eramaten ari da, bi lan-ildotan: batetik, museoaren jarduera; eta, bestetik, gatzaren ekoizpen eta salmenta. Hala ere, Libe Ramila Gatz Museoko kudeatzaileak adierazi du herritarren eta Udalaren laguntza barik ezinezkoa izango litzatekeela.
Hamabost kilo gatz eguneko
Beharraren araberako gatz ekoizpena egiten dute gaur egun, eta gatza saldu ahala ari direla produzitzen adierazi du Ramilak. "Pertsona batzuk espresuki honetara dedikatzen garenez, gehiago ari gara saltzen, eta produkzioa handiagoa da. Azkenengo produkzioa azaroan egin genuen, eta laster beste bat egingo dugu…".