Los Angeles Klikers taldea nagusi kuadrillen arteko saskibaloi txapelketan

Mirari Altube Arrese 2019ko abe. 29a, 19:52

Finala jokatu zuten bi taldeetako jokalariak elkarrekin.

Los Angeles Klikers eta Lolly Pep-OZK taldeak izan ziren nor baino nor gehiago kuadrillen arteko Gabonetako saskibaloi txapelketaren finalean Oñatiko Zubikoa kiroldegian. Lehia estua izan zen bi kuadrillen artean baina bukaeran, 46 eta 40 nagusitu zen lehen taldea.

Beste bi sari ere banatu zituzten atzo, abenduak 28, bukatu zen txapelketan.

Hiruko txapelketaren irabazlea izan zen Julen Murua. Sailkapenean 6 saskiratze egin zituen 30 segundotan, eta finalean, 4 saskiratze 30 segundotan.