Eraldaketa soziala eta sistema aldaketa elkarlotuta daudela defendatzen du Laura Flanders kazetari independenteak eta bere saioa honako leloarekin laburbiltzen du: Aldaketa ezinezkoa dela esaten dutenak bigarren maila batean utzi, eta "ezinezkoa" den hori egiten ari direnei eskainitako tartea.
Flandersen hitzetan, demokrazia eta giza eskubideak defendatzeko mugimenduak "efektiboagoak" dira azken helburu moduan "sistema ekonomiko bidegabeak eta desorekatuak eraldatzea" dutenean. Ildo horretan, Debagoieneko protagonisten ahotik ezagutu gura izan du nola eutsi zioten errepresio garaian kooperazioan oinarritutako ekonomia ereduari. Era berean, ordutik bizi izan duten eraldaketa eta gaur egungo egoera ere aztergai izan ditu erreportajean.
Kooperatibagintza ez ezik, independentzia ere badu hizpide erreportajeak; testuinguru horretan Bartzelona bisitatu du Flandersek eta politikari ezagunak elkarrizketatu ditu.
Democracy Cooperative
Estatu Batuetako Democracy Cooperative erakundearekin bisitatu zuen Laura Flandersek Debagoiena maiatzaren 29an. Besteak beste, Mondragon Unibertsitatea, Ulma Packaging eta Goiena Komunikazio Taldea gertutik ezagutzeko aukera izan zuen taldeak.