Lehen orduan eman dute botoa debagoiendar askok

Espainiako hauteskundeetarako aurten bigarren aldiz botoa ematera daude deituta 50.176 debagoiendar eta horietatik asko lehen orduan joan dira botoa ematera. Arrasateko Ferixalekuan ilara txiki batzuk ikusi ahal izan dira goizean goiz. Oraingoz, normaltasuna da nagusi hauteslekuetan; hauteskunde batzordeak 14:00etan emango ditu partaidetzako lehen datuak.

Goiena.eus webgunean eta Goienaren sare sozialetan unean uneko jarraipena egingo zaie hauteskundeei, parte-hartzearen eta herri ezberdinetako datuak emanez. Astelehenean, emaitzak aztertuko dira Goiena telebistan, analista politikoen laguntzarekin.

Arrasateko Ferixalekuan nahasmendua

Goiza normaltasunez joan bada ere, Arrasateko Ferixalekuan hainbat herritar nahastuta ibili dira botoa non eman behar duten jakiteko. Izan ere, hauteskunde mahaiak aldatu egin dituzte apirileko hauteskundeekin alderatuta; apirilean beheko pisuan botoa eman behar zutenek goiko pisuan eman behar izan dute gaur, eta alderantziz. Horrek nahasmendua sortu du bereziki adineko jendearen artean.

Erlazionatuak

50.176 debagoiendar daude botoa ematera deituta

Debagoiena

Gipuzkoan hamabi zerrenda aurkeztu dituzte, guztira, Senaturako zein Kongresurako; Araban, berriz, hamaika. Izan ere, Escaños En Blanco-Aulk...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.