Euskalmeten iragarpenaren arabera, gaur hotz egingo du eta egunaren lehenengo partean elur-kota jaitsi eta arratsalde-gau partean 400 metro inguruan egongo da, ekaitz-guneetan are beherago. Egunaren hasieran prezipitazioa ugari eta ia etengabe egingo du, arratsaldetik aurrera ez du hain sarri egingo eta aterrune batzuk espero dira. Isurialde atlantikoan ekaitzak jo eta txingorra botako du. Neguko giroaz gain, ipar-mendebaldeko haizea oso zakar ibiliko da, bolada oso gogorrekin nonahi. Tenperatura maximoak 4 eta 9 gradu artean geratuko dira.