Mondragon Korporazioko Krean taldeak eta EVEk (Energiaren Euskal Erakundeak) Ekian proiektua aurkeztu zuten astelehenean Gasteizko Europa jauregian. Ekian proiektua Euskadiko eguzki-parke fotovoltaiko handiena izango da eta eguzkitik eratorritako Euskadiko energia-sorkuntza elektrikoko potentzia bikoiztuko du bere 24 megawattei esker. Pauso handi bat izango da, gainera, Eusko Jaurlaritzak 2030erako energia berriztagarriaren inguruan ezarriak dituen lorpenen bidean.
Ekian eguzki-parkea Erribera Beitiko (Araba) Arasur industrialdean eta plataforma logistikoan kokatuta egongo da eta, guztira, enpresek 24 milioi euroko inbertsio globala bideratuko dute eguzki-parkea instalatu eta martxan jartzeko.
Etorkizunean euskal enpresa gehiagok proiektuarekin bat egitea dute helburu.